可能大家一直都唔為意HP有推出電競相關產品，不過他們剛推出的OMEN by HP系列產品無論外形、設計同功能都幾到位，絕對值得留意。當中主打是OMEN by HP系列打機手提電腦，機身用上矚目的紅黑配色，機背加入碳纖維紋理與金屬拉絲設計，外觀上都幾搶眼！鍵盤設計絕對是打機電腦重要一環，試用過這部新手提電腦的鍵盤，無論反應同手感都做得好水準，而最值得一讚是廠方特別將常用的「W」、「A」、「S」、「D」四枚按鍵轉成紅底白字設計，同其餘按鍵黑底紅字好唔同，而且背光顏色亦有唔同，這種設計除了型之外，亦不怕在較暗環境按錯按鍵，往往打電競比賽的勝負關鍵就是來自零點幾秒時間。
《果籽》栽種品味，一籽了然。
https://hk.appledaily.com/realtime/lifestyle/
